Verðum við að læra stærðfræði?

Penni: Unnur Lilja Andrésdóttir

Það er spurning sem margir menntaskólanemar hafa hugsað: "Af hverju þarf ég að læra þetta? Ég ætla ekkert endilega að verða verkfræðingur eða stærðfræðingur." Stærðfræði getur virst fjarlæg, flókin og mjög oft pirrandi – en samt er hún ein af grunninum í  menntunar okkar. Og ef við gefum okkur tíma til að staldra við, þá sjáum við að stærðfræði er miklu meira en bara reikningar og jöfnur.

Stærðfræði kennir okkur að hugsa, hvort sem það er út fyrir boxið eða inn í boxi.  Stærðfræði þjálfar okkur í rökhugsun, vandamálalausnum og skipulagningu hugsunar. Þegar við leysum jöfnur, skoðum mynstur eða reiknum líkindi, þá erum við í raun að æfa okkur í að greina upplýsingar, setja þær í samhengi og komast að niðurstöðu. Þessi hugsun er ekki bundin við bókina – hún hjálpar okkur að taka betri ákvarðanir í lífinu, hvort sem það snýst um að skipuleggja fjármál, lesa gagnrýnið í fréttum eða meta áhættu.

Stærðfræði er ótrúlega gagnleg í daglegu lífi – jafnvel þótt það sé ekki alltaf augljóst. Hvort sem við erum að reikna hvað pizzan kostar með afslætti, átta okkur á vöxtum á bankaláni, eða reikna líkurnar á því að vinningstölurnar í lottóinu komi upp – þá byggjum við á stærðfræðilegri hugsun. Og fyrir þá sem stefna á nám í tölvunarfræði, líffræði, hagfræði, verkfræði eða jafnvel hönnun – þá er stærðfræði ekki bara hjálpleg, heldur nauðsynleg.

Stærðfræði er alls staðar. Hún býr í náttúrunni, arkitektúr, tónlist og jafnvel í samfélagsmiðlum. Þegar þú horfir á snjókorn, pýramída eða tölfræðina á TikTok – þá ertu að sjá stærðfræði í verki. Hún hjálpar okkur að skilja og lýsa heiminum með nákvæmni. 

Það er alveg eðlilegt að eiga erfitt með stærðfræði stundum. En það að takast á við erfið verkefni og ná tökum á þeim – það styrkir sjálfstraustið og kennir okkur að gefast ekki upp. Stærðfræði kennir okkur að glíma við áskoranir og trúa á eigin getu. Hún er í raun eins og líkamsrækt fyrir heilann. En margir eiga erfitt með að læra stærðfræði og það er mjög eðlilegt, ekki er hún fyrir alla. Hins vegar þá er gott að hugsa og sjá aðrar hliðar sem eiga betur við þig. Eins og aðrar námsgreinar. Við þurfum ekki öll að verða stærðfræðingar. En með því að læra stærðfræði, lærum við að hugsa skýrt, leysa vandamál og túlka heiminn með dýpri skilningi. Og ef þú hugsar út í það, þá er það frekar mikilvæg færni – sama hvert þú ætlar í framtíðinni.

Það er mjög mikilvægt að minna á að það er ekkert óeðlilegt við að eiga erfitt með stærðfræði – það segir ekkert um gáfur eða hæfileika, bara að allir læra á mismunandi hátt. Það þarf ekki að vera bestur í henni, heldur ekki bestur í öllu. Hins vegar leggur samfélagið upp með að allir læra stærðfræði og einnig ríkið. Þannig við þurfum að læra stærðfræði, hvort sem við viljum það eða ekki. Það þýðir samt ekki að þetta sé alveg búið þegar við fáum ekki fullkomna einkunn í stærðfræði. Stundum er það nóg að komast í gegnum áfangann og ná næsta prófi. Stundum er auðveldara en aðra daga að fá góða einkunn í stærðfræði. Allt getur þetta farið eftir dagsforminu manns, en það er líka allt í lagi.